มื้อวานี้โทรหาแม่..อาด..เพิ่นเบาะว่า ..แก่ข้าวฟ่อน มาเฮือน..จ้างเด็กน้อยมาฟาด...ร้อยมัด สามสิบบาท คับ....คึดฮอดตอนนอนนาตอนยังน้อย..นอนนากับพ่อ กับแม่ คักขนาดเลย..หาขุดกบ..กะปู ปลาข้อนแจ่งนา มาเอ็ดกิน ทังแซบทังโน.......มักตอนได้แมงมันมาจี่..โอ๊ยะแซบหลาย จี่หนังเค็ม..พร้อม ด้วย..อ่อมกบ ....เสื่อผักหอนแฮ้น คักโพดล่ะ คับ.....เดวล่ะมาเว้าเรื่องต่างๆเฮ้อฟังเด้อคับไทบ้านเฮา......แสงสุรีย์ชี้ส่องฟ้า แสงทองทาเวหาแจ่ม น้ำหมอกแซมแต้มต้นหญ้า สะท้อนฟ้าสว่างใส
สายลมใหวไปตำต้อง ข้าวสีทองนำท้องทุ่ง เตือนปูปลากบกุ้ง พากันมุ่งไปอยู่คลอง
สายลมหนาวสิมาต้อง ห้วยและหนองน้ำสิขาด ปลาสิพลาดตกไส่บั้ง ปลาข่อนตั้งไส่ไห่นา
ผักกะแยงแข่งยอดหญ้า สิได้ป๋านาหนองท่ม เป็นหน้าที่ผักแก่นขม สิปูพรมไปฮอดแล้ง แกงปลาย่างสิคู่กัน
มาลงขันเฮ็ดข้าวเหม่า ไปลองเผาข้าวหลามใหม่ เป็นจังหันแต่งเตรียมไว้ ถ้าไส่บาตรแบ่งพระฉันท์
ได้เวลาแล้วเด้อท่าน ออกพรรษาทั่วทุกถิ่น ได้เฮ็ดบุญกฐิน เหมิดจำศีลพระเจ้า เตรียมเคาะข้าวให้ซ่อยกัน
ลมเหมันต์เข้ามาต้อง ได้ประคองปั้นเข้าจี่ น้ำขาดหลี่ขาดต้อน วอนทุกท่านให้คิดถึง เบิ่งแน่เด้อ
.
นอนนาตีข้าว คิดพ้อตอนเป็นเด็กน้อยเด้ ไปตีข้าวซอยพ่อ แต่ว่ามือพองมือด้านหลาย
ซุมื้อนี้บ่มีแล้ว ทางบ้านผมเอารถมาสีเอาเลย รถสีข้าวต้องมีลูกน้องมานำเด้ เจ้าของข้าวนั่งถ่ายุบ้านเลย
บ่ต้องไปยากนำ รถสีเขาจัดให้ทุกอย่าง ตะแมนมันง่ายคักเดียวนี้
โตโต้โสนแย้ม ครูจิ๊โก๋ ว.สารพัดช่างนครพนม
ไม่มีความคิดเห็น:
แสดงความคิดเห็น